Wali Kota Bandung, Dada Rosada ngarencanakeun sayembara keur ngaran stadion utama sepakbola nu diwangun dikawasan Gedebage Kota Bandung. “Stadion berskala Internasional ieu tacan boga ngaran, kukituna rek diayakeun sayembara ka masarakat,” ceuk Dada.
SUS Gedebage rencana diresmikeun dina Desember 2012, dimana pangwangunan geus anggeus 46,7 persen. Jukut stadion nu digunakeun keur dibibitkeun di pembibitan jukut di Bogor sarta rencana dipasang awal April.
SUS gedebage boga kaunggulan dibandingkeun jeung stadion nu sejen nu aya di Indonesia kulantaran di SUS Gedebage disadiakeun tempat diuk keur nu tampa daksa (penyandang cacat) sarta tribun khusus keur Bobotoh luar Persib. “Aya tribun khusus keur pendukung tim tamu, ngarana Tribun Someah ka Semah, kapasitasna lima rebu urang.”
SUS Gedebage teu ngabedakeun nu lalajo dina pasilitas korsi. Sakabeh korsi sarua, korsina oge antipanas kukituna hese lamun diduruk. Nu ngabedakeun ngan aya di tempat VVIP nu dilengkepan hahalang kaca antipeluru.
Pasilitas nu sejen disadiakeun 776 toilet keur nulalajo supaya teu ngantri. “Disadiakeun toilet di unggal lantai supaya bobotoh teu kiih dimana karep kulantaran males ngantri di toilet.” Tangtuna masalah cai oge kudu diperhatikeun, toilet loba cai na euweuh sarua jeung bohong. Dada oge menta ka bobotoh ulah ngaruksak pasilitas stadion lantaran stadion ieu milik sararea sarta diwangun tina duit rahayat.
Nepi kakiwari pangwangunan stadion geus meakeun waragad Rp.495 miliar nu asalna ti Pemkot Bandung jeung Pemprov Jabar. Mudah-mudahan pangwangunan ieu rengse sesuai target dina bulan Desember 2012, ceuk info mah kabutuhan dana geus terpenuhi sesuai permintaan, jadi kontraktor ewueuh alesan molor atawa terlambat. SUS Gedebage pohara pisan diharepkeun ku warga Jabar khususna warga Kota Bandung supaya bisa digunakeun.
Satujuu…Lur.!
Sumber: kokoreh tiditu-tidieu.
6 komentar:
Posting Komentar